Innan Sjálfstæðisflokksins er ringulreið vegna samningsins um kaup Landsbanka Íslands á Tryggingamiðstöðinni sem átti sér stað á vakt og ábyrgð Þórdísar Kolbrúnar Reykfjörð Gylfadóttir fjármálaráðherra. Þórdís hefur ákaft svarið af sér að hafa móttekið skilaboð um að ferlið væri komið í gang. Fæstir trúa því að hún hafi verið svo bláeyg. Almennt er talið að sofandaháttur og kæruleysi hafi valdið því að svona fór.
Innan úr myrkviðum flokksins heyrist að Bjarni Benediktsson formaður og innsti kjarni flokksins hafi skipulagt væntanlegt brotthvarf formanns bankaráðsins, Helgu Björk Eiríksdóttur, í því skyni að setja einhvern meðfærilegan í hennar stað. Í framhaldinu muni svo Lilja Björk Einarsdóttir bankastjóri fjúka vegna trúnaðarbrests. Lilja hefur líst því yfir að staðið verði við kaupin á tryggingafélaginu, sama hvað Þórdís Kolbrún maldi í móinn. Með því að fella þessar tvær konur verði hætt að enda ríkisvæðinguna sem Landsbankinn stendur fyrir …