Hlaðvarpsstjarnan Edda Falak er þögnuð, í bili að minnsta kosti. Þáttur hennar, Eigin konur, hefur vakið gríðarlega athygli og í mörgu tilfellum breytt þeim mörkum sem hafa verið gildandi í samskiptum kynjanna. Hæst ber væntanlega viðtal Eddu við Vitalíu Lazereva sem varð til þess að Logi Bergmann Eiðsson, Ari Edwald og Arnar Grant misstu vinnuna fyrir meint ósiðlegt athæfi. Auðmennirnir Hreggviður Jónsson og Þórður Már Jónsson þurftu að víkja úr áhrifastöðum af sömu ástæðu.
Nú er svo komið að þættir Eddu hafa ekki komið út síðan í desember þótt áskrifendur hafi greitt áskriftargjald í gegnum greiðslusíðu. DV segir frá þess og að áskrifendur hafi verið hlunnfarnir. Edda ber því við að verið sé að breyta þáttunum og ætlar ekki að innheimta gjald fyrir mars.
Ofan á þetta bætist að móðir ungrar konu sem fram kom í Eigin konur lögsækir Eddu fyrir að hafa dreift um sig óhróðri með því að spila upptökur þar sem hún átti að hafa hrakyrt dóttur sína. Edda þarf að verjast á nokkrum sviðum …