Hannes Hólmsteinn Gissurarson prófessor hefur kveðið upp þann dóm sinn að Geir H. Haarde, fyrrum forsætisráðherra, sé fórnarlamb klækjarefa þegar litið er til þeirrar niðurstöðu Landsdóms að hann hafi verið sekur um vanrækslu í aðdragnada hrunsins. Niðurstaða Hannesar kemur fram í bókinni Landsdómsmálið – stjórnmálarefjar og lagaklækir. Prófessorinn fékk drottningarviðtal í Silfrinu hjá Agli Helgasyni, einum helsta gæðingi Ríkisútvarpsins, sem spurði ekki einnar gagnrýnnar spurningar um efni bókarinnar eða niðurstöðu hennar.
Mogginn gerir útgáfu bókarinnar skil á fréttasíðu í dag með stórri mynd á blaðsíðu tvö þar sem Hannes afhendir fórnarlambi Alþingis og Landsdóms eintak af bók sinni sem inniheldur þann boðskap, að sögn Moggans, að Geir hafi verið ranglega dæmdur og að sakfelling hans, fyrir að halda ekki nægilega marga fundi, hafi ekki aðeins snúið að fullkomnu aukaatriði, heldur hafi það ekki staðist lagalega.
Mannréttindadómstóll Evrópu komst að þeirri niðurstöðu að íslenska ríkið hefði ekki brotið gegn Geir þegar hann var dreginn fyrir Landsdóm og sakfelldur fyrir vanrækslu. Hannes Hólmsteinn veit sem sagt betur …