Einn mesti kafbátur íslenskt viðskiptalífs er Guðbjörg Matthíasdóttir auðkona og grunnskólakennari í Vestmannaeyjum. Guðbjörg ræður yfir gríðarlegu eignasafni sem orðið hefur til á grunni veldis tengdaföður hennar, Einars ríka Sigurðssonar, í Vestmannaeyjum. Guðbjörg er þó enn ríkari að veraldlegum gæðum og getur því borið sama viðurnefni með sóma.
Guiðbjörg hefur ekki látið mikið fyrir sér fara í gegnum tíðina og ekki flaggað völdum sínum. Hún hefur yfirleitt ekki setið sjálf í stjórnum fyrirtækja sinna en haft til þess fótgönguliða. Nú hefur hún skipt um takt.
Um árabil hefur Árvakur, útgáfa Morgunblaðsins, verið að meirihluta í eigu fyrirtækja auðkonunnar sem haldið hafa lífi í fyrirtækinu með framlögum. Davíð Oddsson ritstjóri verið hennar helsti skjólstæðingur. Í september urðu þau undur og stórmerki að auðkonan ákvað að setjast í stjórn Árvakurs. Þar eru fyrir fleiri silkihúfur á borð við Katrínu Pétursdóttur í Lýsi og í varastjórn er Margrét Sveinsdóttir, eiginkona Óla Björns Kárasonar alþingismanns. Óli Björn var á sínum tíma eigandi DV ásamt fjölskyldu Guðbjargar en útgáfan fór í þrot og hann seinna á þing. Vangaveltur eru uppi um ástæðu þess að Guðbjörg fór í stjórn Moggans sem hefur verið rekinn með afar misjöfnum árangri mörg undanfarin ár …