Miðvikudagur 10. apríl, 2024
5.8 C
Reykjavik

Guðni vill meira

VefTv

- Auglýsing -

Hlaðvörp

- Auglýsing -

Guðni Th. Jóhannesson, forseti Íslands, mun væntanlega tilkynna um áramótin um áform sín varðandi framboð til embættisins í vor. Óumdeilt er að Guðni er frábær forseti sem hefur verið þjóð sinni til sóma í embætti sínu á Bessastöðum. Hann hefur komist í gegnum tvö kjörtímabil án þess að vera staðinn að neinu sem ekki samræmist skyldum hans og heiðri. Mál sem komu upp í kringum forsetaritara voru leyst í rólegheitunum og tryggt að forsetastíðin er slétt og felld.

Guðni hefur haldið spilunum þétt að sér og ekkert sagt opinberlega um áform sín á nýju ári. Daður hans við Morgunblaðið og Davíð Oddsson þykir vera vísbending um að hann leiti friðar og stuðnings handan víglínu andstæðinganna. Mörgum er í fersku minni að Guðni lagði frambjóðandann Davíð með brauki og bramli þegar hann var upphaflega kjörinn. Áður sigursæll Davíð var niðurlægður og rækilega stimplaður.  Nýlegt og furðulegt afmælisboð forsetans á Bessastöðum í tilefni af meintu 110 ára afmæli Moggans þykir vísbending um að hann leiti stuðnings þaðan.

Við upphaf forsetatíðar sinnar taldi hann eðlilegt að sitja í tvö kjörtímabil. Hann hefur ekkert sagt um það undanfarið en verið áberandi í embætti. Nær fullvíst er að hann gefi kost á sér þriðja kjörtímabilið og vafalítið verður hann endurkjörinn. Hann ber þess öll merki að vilja meira.

Enginn mun hafa roð í hann í kosningunum í vor. Við síðustu kosningar skoraði Guðmundur Franklín Jónsson hótelstjóri forsetann á hólm en var afgreiddur af kjósendum með mikinn minnihluta atkvæða. Áður hafði Ástþór Magnússon athafnamaður og jólasveinn, ítrekað boðið sig fram og uppskorið fylgistölur sem varla ná því að vera kenndar við léttöl. Spurning er hvort gamlir draugar muni stíga fram í vor og keppa við sitjandi forseta um hið háa embætti.

Viðbúið er að forsetinn muni í áramótaávarpi sínu tilkynna um vilja sinn til að sitja þriðja kjörtímabilið og uppskera lófaklapp þjóðarinnar til sjávar og sveita …

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -