Forsetaframbjóðandinn Halla Tómasdóttir á ekki upp á pallborðið hjá kjósendum þetta árið ef marka má skoðanakannanir. Halla var á sínum tíma hársbreidd frá því að verða forseti Íslands þegar hún tapaði með litlum mun fyrir Guðna Th. Jóhannessyni, fráfarandi forseta Íslands. Halla kom flestum á óvart með því að fá hartnær 30 prósenta fylgi.
Það var væntanlega vegna þessa árangurs sem hún gerir nú aðra atlögu að embættinu en uppskeran mælist vera rýr og kannanir mæla hana ekki á meðal efstu fjögurra.
Halla mætti í viðtal í hlaðvarpið Chess After Dark í vikunni þar sem hún fór á sumpart á kostum og talaði eins og þjóðhöfðingi. Yfir hana færðist þó nokkur depurð þegar hún var spurð um tilfinningar sínar eftir tapið fyrir Guðna. Hún viðurkenndi að hafa farið í fýlu í þrjá daga við ósigurinn. Síðan tók við nokkur tala um ósanngirni fjölmiðla og marklítilla skoðanakannana. Frambjóðandinn var óhress vegna þessa og taldi nauðsynlegt að leita lausna. Berin eru auðvitað súr …