Útvarpsstjarnan og heilsufrömuðurinn, Jóhanna Vilhjálmsdóttir, hefur snúið aftur og er mætt á Bylgjuna og Rás 1 eftir áratugafjarvist. Jóhanna var á sínum tíma einn þekktasti fjölmiðlamaður Íslands. Hún stýrði Bítinu um árabil ásamt Þórhalli Gunnarssyni. Í þá daga var þátturinn á Stöð 2. Jóhanna hvarf seinna úr sviðsljósinu þegar hún giftist Geir Sveinssyni handboltakappa og þau settust að erlendis. Þar hefur Jóhanna unnið að heilsutengdum verkefnum. Nú eru hjónin komin heim til Íslands og Geir er bæjarstjóri í Hveragerði þar sem þau búa …
Jóhönnu mun vera ætlað að vera í afleysingum á Bylgjunni, jafnt í Bítinu sem Reykjavík síðdegis. Þá er hún með fastan lið í Mannlega þættinum á Rás 1 sem kallast Heilsuhorn Jóhönnu. Þar eys hún úr viskubrunni sínum varðandi heilsu og viðhald heilbrigðis. Það kemur í ljós á næstu misserum hvort Jóhanna kann enn þá öll gömlu trixin sem fengu nývaknaða Íslendinga í gamla daga til að sperra eyrun og vakna til meðvitundar ..