Jón Gunnarsson dómsmálaráðherra fer hamförum í embætti sínu. Tvo draumaverkefni hans eru að vopna lögregluna og halda sem flestum flóttamönnum heima hjá sér eða í öðrum ríkjum. Gassagangurinn í Jóni er það mikill að mörgum finnst nóg um. Þetta skýrist þó af því að hann er í óða önn að sanna sig sem nauðsynlegan fyrir þeim sem aðhyllast tilteknar öfgar varðandi vopnaburð lögreglu og andstöðu við flóttamenn.
Hermt er að Jón berjist fyrir því að vera áfram á ráðherrastóli þótt samið hafi verið um annað við upphaf kjörtímabilsins þegar ákveðið var að Guðrún Hafsteinsdóttir tæki við ráðherraembætti í hrókeringunni. Bjarni Benediktsson, formaður Sjálfstæðisflokksins, er sagður vera tvístígandi og að hann leiti leiða til að Jón valdi ekki uppnámi og gerist jafnvel liðhlaupi þegar hann verður sviptur ráðherradómi. Meðal mögulegra lausna er að láta hann hafa annað sendiherrastarf eða annan bitling á vegum ríkisins sem tryggir honum afkomu og sálarró …