Kamilla Einarsdóttir, rithöfundur og bókavörður, hefur mikla samúð með háðfuglinum Berglindi Festival sem hefur verið gagnrýnd og jafnvel fordæmd fyrir það guðlast að dröslast um með kross um Smáralind í sjónvarpþættinum Vikunni. Kamilla leggur til í viðtali við Heimildina að sem flestir taki sig saman um að styða Berglindi með því að ástunda meint guðlast.
„Mér finnst að allir eigi að grínast rosalega með krossfestinguna þessa páska því við verðum að standa með málfrelsinu. Berglind Festival var með eitthvert grín þar sem hún dró kross um Smáralind. Hún má alveg grínast með þetta eins og hún vill. Prestshjón skrifuðu rosa grein og mættu í útvarpið til að gagnrýna þetta – og hvað það væri hræðilegt. Nú rignir yfir hana skilaboðum,“ skrifar Kamilla og segir að múgurinn fylgi á eftir hinum fordæmandi presthjónum og dæli inn haturspóstum og svívirðingum.
Hún segir andstyggilegt að horfa upp á aðförina en nennir ekki sjálf að mæta með kross í Kringluna. Víst er að margir eru sammála Kamillu …