Katrín Jakobsdóttir, forsætisráðherra og formaður VG, var nokkuð brött á VG í gær þar sem hún vék orðum að hrikalegri stöðu flokksins sem rambar á hengiflugi þess að detta út af þingi og mælist með einungis 4,7 prósent fylgi og engan mann á þingi. Stærsta vandamál flokksins er dauðadansinn við Sjálfstæðisflokkinn sem hefur leitt til fylgishrunsins. Katrín lagði ekki beinlínis út af því ástandi en sendi þá pillu að nauðsynlegt að fyrirtæki tengd innviðum væru í eigu almennings. Hún gantaðist með það að ástandið gæti ekki annað en lagast frá því sem nú er. Hún vísaði til kjörs Þorvalds Örlygssonar sem formanns Knattspyrnusambands Íslands og sagði að flokkurinn ætti eftir að rísa, rétt eins og hann.
Katrín hefur notið einstakra persónulegra vinsælda meðal þjóðarinnar en það dugir ekki lengur til og ögurstundin nálgast. Öllum er ljóst að stjórnarsamstarfið er komið út í ystu myrkur og ekki von um framhald þar. Það sýnir styrk hennar sem stjórnmálamanns að þrátt fyrir ömurleikann heldur hún reisn sinni og gamansemi og er öll að hressasta. Hún veit líka sem er að stutt er á milli VG og Samfylkingar og miklar líkur á samstarfi þeirra flokka þegar á hólminn kemur …