Skólameistarinn Kristinn vekur furðu

Fæstir botna í stjórntökum Kristins Þorsteinssonar, skólameistara Fjölbrautaskólans í Garðabæ. Hann hefur sýnt sögukennara sínum, Páli Vilhjálmssyni, stuðning í rógsherferð hans og Morgunblaðsins á hendur Helga Seljan og starfsmönnum RÚV. Páll fór mikinn á sínum tíma og sagði að Helgi Seljan fréttamaður væri geðveikur. Mörgum ofbauð vegna fordómanna, en Kristinn stóð með undirmanni sínum. Síðan hefur Páll færst í aukana og staðhæft að starfsmenn RÚV hafi skipulagt að eitra fyrir Páli Steingrímssyni, skæruliða Samherja, í því skyni að stela síma hans. Enn hefur ekkert haldbært komið fram um að eitrað hafi verið fyrir skipstjóranum en sögukennarinn endurtekur ásakanir sínar í skjóli skólameistarans. „Byrlun Páls og stuldur á síma hans var skipulagt á RÚV,“ endurtók Páll í pistli sínum á Morgunblaðinu í gær. Morgunblaðið hefur á sér þannig orð að enginn undrast rógburð þaðan en öðru máli gegndi með Fjölbrautarskólann í Garðabæ …