Kolbrún Bergþórsdóttir, blaðamaður Moggans, er með stórviðtal við Jón Ólafsson tónlistarmann sem gjarnan er kallaður Jón góði, til skilgreiningar frá nafna sínum. Jón leiðir hljómsveitina Ný dönsk og hefur verið fyrirferðarmikill á tónlistarsviðinu undanfarna áratugi. Hann fagnar nú sextufsafmæli sínu með stórtónleikum.
Í viðtalinu rifjar hann upp fyrstu kynnin við eiginkonu sína, Hildi Völu Einarsdóttur, sem er 19 árum yngri en hann. Í fyrstu var sambandið laumuspil og svo var mikið slúðrað. „Svo þegar þetta loks fréttist síðsumars þá urðu viðbrögðin enn sterkari en við bjuggumst við. Ég á einhvers staðar úrklippur frá þessum tíma og þetta er eiginlega alveg galið. Fólk úti á götu var spurt hvort það spáði sambandinu langlífi eða ekki og allir höfðu skoðanir á okkur. Margir vildu meina að þetta myndi ekki endast nema út sumarið … ,“ segir Jón.
Átján árum síðar eru þau Hildur Vala enn saman, þremur börnum ríkari og hamingjan til staðar. Jón telur sig vera lukkunnar pamfíl …