- Auglýsing -
Össur Skarphéðinsson, fyrrverandi ráðherra, hefur tekið skýra afstöðu í forsetakosningunum og styður Katrínu Jakobsdóttur til þess að setjast á Bessastaði og halda utann um friðinn á pólitíska sviðinu. Össur beinir spjótum sínum að frambjóðandanum og skemmtikraftinum Jóni Gnarr sem hefur kjökrað undan því að Katrín hafi óeðlilegt forskot sem fyrrverandi forsætisráðherra. Össur hæðist að tárinu í auga trúðsins.
„Jón Gnarr á að hætta að væla um þetta í hverjum þætti, og hætta að vera gnavinn einsog Georg Bjarnfreðarson. Þá munu snarlega aukast líkurnar á að hann muni í framtíðinni brosa sínu breiða brosi af Álftanesinu til glaðrar þjóðar,“ skrifar Össur á Facebook.
Spurningin er svo hvort sú glaðbeitta Halla Hrund Logadóttir, sem fer með himinskautum í vaxandi fylgi, sé ekki hættulegri framboði Katrínar en Jón Gnarr sem sígur niður á við í könnunum á meðan Katrín stendur stað …