Logi Bergmann Eiðsson hefur átt erfitt uppdráttar síðan Vítalía Lazereva bar hann sökum um að hafa brotið gegn blygðunarsemi sinni á hótelherbergi á Borgarfirði. Hann missti vinnuna hjá Mogganum og Símanum og var á hrakhólum þar til Heiðrún Lind Marteinsdóttir réði hann til tímabundinna starfa hjá Samtökum í sjávarútvegi. Seinna dró Vítalía í land með ásakanir sínar á hendur Loga sem ekki hefur átt afturkvæmt til Moggans.
Þrátt fyrir raunir sínar þá hefur Logi ekki setið auðum höndum. Í gærkvöld sýndi Sjónvarpið heimildarmynd Loga um þjálfarann knáa, Ásgeir Elíasson, sem lést um aldur fram. Logi er einn af bestu spyrlum þessa lands og koma þeir hæfileikar vel í gegn í myndinni. Þá hefur Logi upplýst að hann hafi tekið viðtðl við þann aldna og stríðsglaða Kristján Ragnarsson, forvera Heiðrúnar Lindar, sem lengi var framkvæmdastjóri Landssambands íslenskra útgerðarmanna. Óljóst er hvað gert verður við þau viðtöl en sjálfur er Logi væntanlega á leið til Washington ásamt eiginkonu sinni, Svanhildi Hólm, sem þar verður sendiherra í boði Bjarna Benediktssonar utanríkisráðherra. Logi er upprisinn eftir píslargöngu sína …