• Orðrómur

Betri heilsa og almenn vellíðan

Helgarviðtalið

- Auglýsing -

Orðrómur

- Auglýsing -

Íslenskt Astaxanthin heitir nýjasta vara KeyNatura sem er að koma á markað þessa dagana. Hún er ætluð fyrir þá sem vilja taka inn öfluga andoxunarefnið Astaxanthin í daglega næringu sína sem hefur afar jákvæð áhrif á líkamann.

Líftæknifyrirtækið KeyNatura setti nýlega á markað nýja vöru sem ber heitið Íslenskt Astaxanthin en hún er fyrir þá sem vilja taka inn öfluga andoxunarefnið Astaxanthin í daglega næringu sína. „Við köllum hana grunnvöru því um er að ræða hreint gæða Astaxanthin sem er blandað með E-vítamíni. Við teljum að Astaxanthin sé að komast á þann stall að verða eitt af þeim efnum sem allir munu hafa sem hluta af daglegri næringu sinni, líkt og Omega-3 og D-vítamín,“ segir Páll Arnar Hauksson, vöruhönnuður og vísindamaður hjá KeyNatura.

Einstaklega virkt

Astaxanthin er eitt af öflugustu andoxunarefnum náttúrunnar og er til að mynda 6.000 sinnum sterkara en C-vítamín segir Páll Arnar. „Astaxanthin vinnur að því að græða og vernda alla frumuna í heild sinni sem gerir það nokkuð frábrugðið öðrum andoxunarefnum. Fyrir vikið hefur það fjölmörg öflug áhrif á líkamann og starfsemi hans.“

Hann segir líkama okkar treysta á andoxunarefni til að létta oxandi streitu og hjálpa að lækna skemmda frumuvefi. „Til að útskýra þetta betur má segja að andoxunarefni á borð við Astaxanthin berjist gegn ferli oxunar og sindurefna sem herja á frumur líkamans með tímanum. Húð, vöðvar, liðbönd, sinar, augu, innri líffæri, hjarta- og æðakerfi ásamt taugakerfi eru öll móttækileg fyrir Astaxanthin, sem gerir það einstaklega virkt meðal andoxunarefna.“

 Mjög jákvæð áhrif

- Auglýsing -

Andoxunarefnið Astaxanthin hefur verið rannsakað klínískt margoft og hafa niðurstöðurnar verið mjög jákvæðar segir Hafsteinn Eyland, sölu- og markaðsstjóri. „Niðurstöðurnar hafa m.a. sýnt að efnið verndar húðina fyrir sólargeislum og dregur þar með úr ótímabærri öldrun húðarinnar þar sem hún heldur betur í raka og er teygjanlegri. Húðin þornar því síður og hrukkast eins og gerist hjá flestum þegar aldurinn færist yfir.“

Astaxanthin hefur einnig sýnt fram á jákvæð áhrif á úthald og orku þar sem efnið eykur þrek og vöðvamyndun við æfingar auk þess sem það veitir betri endurheimt vöðva eftir átök, bætir Hafsteinn við. „Astaxanthin hefur ýmis jákvæð áhrif á hjarta- og æðakerfi en það getur dregið úr myndun á vonda kólesterólinu og aukið við það „góða“, auk þess sem það hefur jákvæð áhrif á blóðflæði og minnkar bólgur.“

Einnig hefur verið sýnt fram á að með inntöku Astaxanthin getur stirðleiki og verkir í liðum minnkað umtalsvert. „Auk þess hefur Astaxanthin jákvæð áhrif á augnheilsu því efnið verndar augnbotnana og getur því hjálpað til við augnþreytu, þurrk og minnkað eða hægt á augnhrörnun sem svo margir upplifa með hækkandi aldri.“

- Auglýsing -

Þetta er sjötta varan sem fyrirtækið setur á markað en fyrir eru AstaSkin, AstaLýsi, AstaCardio, AstaFuel og AstaEnergy.

Páll Arnar Hauksson er vöruhönnuður og vísindamaður hjá KeyNatura.

Úr íslenskri náttúru

Lykilefnið í fæðubótarvörum fyrirtækisins er sótt í íslenska náttúru þar sem smáþörungar og íslenskt vatn skipa stærstan sess segir Hafsteinn. „Lykilhráefnið okkar, Astaxanthin, sækjum við frá smáþörungunum okkar sem við ræktum í n.k. vatns-gróðurhúsi í Hafnarfirði. Þörungarnir eru eðlilega fagur grænir en þegar þeir hafa náð ákveðinni þykkt og massa eru þeir settir í mjög sterkt ljós þar sem þeir fara í ákveðið varnarviðmót. Á því stigi byrja þeir að framleiða Astaxanthinið til þess að vernda sjálfa sig en efnið er dökkrautt á lit.“

Auk smáþörunganna er notast við hreina og góða íslenska vatnið, led-ljós, koltvísýring og íslenska orku í framleiðsluferlinu. „Það er gaman að segja frá því að úrgangsefni framleiðslunnar er í raun bara súrefni og nánast hreinna vatn en það sem notað var upphaflega.“

Erlendis fer skyld framleiðsla fram með ýmsum hætti, t.d. í opnum tjörnum. Þá fer eðlilega margt úr umhverfinu og andrúmsloftinu í vöruna segir Páll Arnar. „Það er vel hægt að ímynda sér alla mengunina og ýmislegt annað sem fer þar ofan í. Hreinleiki og gæði Astaxanthin haldast í hendur við framleiðsluaðferðir okkar. Því var lykilatriði að koma upp framleiðslutækni sem tryggði 100% hreinleika, 100% gæði og skildi eftir sig sem minnsta kolefnisfótspor. Þessu höfum við náð með góðum árangri sem m.a. hefur skilað sér í nýjustu vörunni okkar, Íslensku Astaxanthin, sem hentar þeim sem vilja huga að heilsunni, ná árangri og upplifa almenna vellíðan.“

Nánari upplýsingar á www.keynatura.com.

 

Lestu meira

- Auglýsing -

Veistu meira um málið?

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Nýtt í dag

Mest lesið í vikunni

Í fréttum er þetta helst...

- Auglýsing -