Laugardagur 4. desember, 2021
-5 C
Reykjavik

Gyðjan fer nýjar leiðir við uppbyggingu á bættri heilsu – Sjáðu árangursmyndirnar!

Helgarviðtalið

- Auglýsing -

Orðrómur

- Auglýsing -

„Markmiðin okkar eru að hjálpa fólki við að bæta heilsuna og auka sjálfstraustið, enda er slagorð stofunnar ,Þinn árangur er okkar markmið,.“ segir Sigrún Lilja Guðjónsdóttir sem er konan á bak við líkamsmeðferðarstofuna The House of Beauty.

Sigrún Lilja sem er oftast kennd við íslenska hönnunarmerkið Gyðju Collection og fyrir að hafa hannað fjöldann allan af fylgihlutum og ilmvötnum sem slógu í gegn hérlendis sem og erlendis á nú og rekur líkamsmeðferðarstofuna The House of Beauty, sem er orðin vinsæll viðkomustaður Íslendinga sem vilja bæta líkamlegt form og heilsu.

„Ætli það megi ekki segja að þetta sé einskonar mekka sérhæfðra líkamsmeðferða og heilsu.“ Segir Sigrún þegar hún er spurð úti hvernig hún myndi helst lýsa The House of Beauty. En hún fagnaði einmitt nýlega stækkun stofunnar sem er þriggja og hálfs árs.

The House of Beauty er líkamsmeðferðarstofa sem má segja að sé einnar sinnar tegundar en hún bíður uppá sérhæfð líkamsmeðferðartæki og heildstæðar lausnir fyrir heilsu og líkamlegt útlit án skurðaðgerðar og án mikilla inngripa.

„Við bjóðum uppá mismunandi líkamsmeðferðir sem við teljum vera með þeim fremstu í heiminum í dag sem allar hafa sinn einstaka fókus. Við bjóðum sem dæmi uppá Velashape sem þéttir slappa húð og vinnur á staðbundinni lausri fitu. Hún hefur t.d. nýst vel á þessa svokölluðu „svuntu“ sem stundum getur myndast neðst á kviðin eftir t.d. þyngdartap eða barnsburð. Svo bjóðum við uppá laser lipo meðferð til að vinna á staðbundinni harðri fitu, og LED húðmeðferð til að vinna á slitum og þéttingu húðar ásamt því að bjóða uppá Fitform og Msculpta PRO til að byggja upp og móta vöðva. Að auki erum við með meðferðina Lipomassage Silklight sem er án efa ein öflugasta sogæðameðferð sem völ er á. Fyrir utan að losa um bólgur og stíflur, vökvasöfnun og bjúg þá gerir hún líka undur fyrir húðina og framkallar svokallaða sokkabuxnaáferð án appelsínuhúðar. Þrátt fyrir að meðferðirnar vinni gríðarlega vel í sitthvoru lagi þá gera þær ennþá meira þegar þær eru nýttar saman og því erum við svo mikið að vinna með svokallaða „makeover“ pakka þar sem meðferðirnar eru settar saman með ákveðnum markmiðum í huga.“ Segir Sigrún

- Auglýsing -

Árangurssögur The House of Beauty hlaupa á hundruðum
„Við þrýstum aldrei á neinn til að birta myndirnar sínar og fara margir í gegn með glæstan árangur sem aðeins þeir og við vitum af. Það fylgir bara trúnaðinum og er algjörlega eðlilegt m.v. það sem við sérhæfum okkur í. En svo er alltaf einstaka dásemdir sem eru til í að leyfa okkur að birta myndirnar og leyfa fólki að sjá hvað við erum að gera alla daga og okkur þykir mjög vænt um það.

Ein árangurssagan er sem dæmi hún Kristín Ósk Wium. „En hún var t.d. svo yndisleg að leyfa okkur að birta myndirnar hennar undir nafni.“ Segir Sigrún

Hér má sá árangursmyndir Kristínar og stutt viðtal við hana:

- Auglýsing -

Árangursmyndir Kristínar og mælingarnar hennar

“ Í janúar var ég algjörlega að gefast upp á sjálfri mér, fannst ég þung bæði andlega og líkamlega.

Ég var búin að íhuga allskonar, bæði magaaðgerðir og fitusog. Svo sá ég viðtal við Sigrúnu og ákvað að kynna mér meðferðirnar sem í boði eru hjá The House Of Beauty. Ég fór í kjölfarið í mælingu og ráðgjöf og keypti mér tíma í Velashape og í Silk – og þá var ekki aftur snúið!

Ég fór að fara 2x í viku og eftir 5 vikur voru 37 cm farnir af mér.

Það sem þessar meðferðir hafa að auki gefið mér, en á þessum vikum missti ég

10 kg líkamlega – en svo miklu meira andlega.

Ég hlakka til þess að mæta í tímana mína, bæði vegna þess að árangurinn hefur verið svo frábær en ekki síður vegna yndislegu stúlknanna sem þarna vinna.

Takk fyrir mig – þið losnið aldrei við mig.”

– Kristín Wium

„Svona sögur eins og Kristínar eru ástæða þess að við erum alltaf tilbúin að leggja hart að okkur við að aðstoða viðskiptavini að fremsta megni til að ná hámarksárangri.
Okkar slagorð er“ Þinn árangur er okkar markmið.“ Og það má með sönnu segja, við viljum að þeir sem komi til okkar nái árangri. Auðvitað er ekki raunhæft að gera þá kröfu að 100% kúnna séu alltaf 100% ánægðir en við erum að ná örugglega alveg 95% ánægju og þá vitum við að við erum að gera eitthvað rétt.“ Segir Sigrún

Fjölda fyrir og eftir mynda viðskiptavina The House of Beauty má sjá á instagrammi stofunna hér: https://instagram.com/thehouseofbeauty_iceland

Covid lokanir nýttar til að stækka
„Fljótlega eftir að við opnuðum kom í ljós að húsnæðið var of lítið miðað við eftirspurn, þrátt fyrir rúman opnunartíma. Við erum með opið virka daga, frá morgni og oftast til klukkan 22.00 eða 23.00 á kvöldin og einnig um helgar. Samt var fjögurra vikna bið í meðferðir hjá okkur. Því var ákveðið að stækka stofuna og við nýttum tímann í COVID-lokunum til þess,“ segir Sigrún.

The House of Beauty er í Fákafeni 9 og líkamsmeðferðarstofan er öll hin glæsilegasta. Kristalsljóskrónur, speglaflísar og glamúrlúkk með klassísku ívafi skapa þægilegt og afslappað andrúmsloft. „Sköpunargáfan fékk að njóta sín töluvert í þessu verkefni. Ég lét sérframleiða fyrir mig húsgögn erlendis og einnig lét ég sérframleiða speglaflísar sem prýða stóra veggi á göngum stofunnar,“ segir Sigrún en í dag starfa 9 meðferðaraðilar á stofunni.

Undrameðferðin sem er að hjálpa við gigt, verki og vökvasöfnun

„Ein af okkar allra vinsælustu meðferðum er Lipomassage Silkligth, ein öflugasta sogæðameðferð sem hægt er að komast í. Fyrir utan að hafa gríðarlega öflug áhrif á mótun líkama, appelsínuhúð, bjúgsöfnun og staðbundna fitu, þá er þetta meðferðin sem margir kjósa að fara í til að halda niðri verkjum, t.d. vegna gigtar- eða stoðkerfisvandamála. Við fáum marga gigtarsjúklinga til okkar vikulega sem ná að halda niðri verkjum með því að koma í þessa meðferð. Lipomassage meðferðin bætir blóðflæði og dregur úr bólgum og bjúg. Það skemmtilegasta við starfið er að sjá fólk ná góðri heilsu á ný. Eftir að hafa sjálf misst heilsuna og þurft að berjast fyrir því að ná henni aftur þá fyrst gerði ég mér grein fyrir því hversu dýrmæt heilsan er. Ég brenn fyrir því að aðstoða fólk við að byggja upp heilsuna og þessi meðferð er þar gríðarlega öflugt tæki, enda skipta jákvæðar reynslusögur í dag örugglega hundruðum,“ segir Sigrún.

Er gerð krafa um visst mataræði eða líkamsrækt?
„Við gerum enga sérstaka kröfu um mataræð né hreyfingu, enda eru þeir sem koma til okkar eins misjafnir og þeir eru margir. Sumir geta einfaldlega ekki hreyft sig og þurfa því aðstoð okkar til að byggja líkamann upp. En við gefum góð ráð hvað varðar t.d. vatnsdrykkju, gufu, góða næringu og ýmis önnur auka tól til að bæta heilsuna og hjálpa við að hámarka árangur hvers og eins. Svo hvetjum við viðskiptavini til dáða í ferlinu og það hefur alltaf jákvæð áhrif líka,“ segir Sigrún.

Haustáskorunin Sjálfsrækt
„Það vinsælasta hjá okkur eru svokallaðir „makeover“ pakkar þar sem viðkomandi mætir í valdar meðferðir nokkrum sinnum í viku í nokkrar vikur með ákveðnu markmiði í huga. T.d. erum við með Húð og styrkingar makeover, Húð og grenningar makeover, Heilsueflingu og Tummy tuck sem dæmi,“ Segir Sigrún og bætir við „Núna eftir þessa rússíbanareið sem Covid er að fara með okkur í og öllu sem því hefur fylgt þráir fólk að koma heilsunni og forminu í lag og því fórum við í loftið með svokallaða haustáskorun sem ber nafnið SJÁLFSRÆKT.

Þessi áskorun er fyrir fólk sem er tilbúið að setja sjálft sig í fyrsta sætið með sjálfsrækt.
Það er hægt að velja um 7 mismunandi haust „makeover“ pakka í áskoruninni sem eru á einstökum kjörum og alla pakkana er hægt að velja um lengd, 14 daga, 3 vikna, 5 vikna, 8 vikna eða 10 vikna pakka, fer allt eftir markmiðum viðkomandi.“
Segir Sigrún

Bjóða uppá fría mælingu og ráðgjöf án skuldbindinga
„Við bjóðum uppá margar mismunandi meðferðir sem getur verið ruglingslegt í fyrstu, hvað hentar hverjum og einum og því hvetjum við áhugasama til að koma til okkar í fría mælingu og ráðgjöf hjá sérfræðingi. Það er án allra skuldbindinga en þarna er farið yfir markmið viðkomandi og honum ráðlagt með hvaða meðferðarpakki hentar best til að ná markmiðunum.“ Segir Sigrún og heldur áfram „Árangur er alltaf persónubundinn og er samstarfsverkefni meðferðaraðila og viðskiptavinar. Við gefum tækin og tólin, gefum góð ráð en svo er það á ábyrgð viðkomandi að fara eftir leiðbeiningum til að aðstoða við útkomu meðferðanna.“segir Sigrún Lilja

En eru meðferðir The House of Beauty fyrir alla?
„Stutta svarið er nei. Þumalputtareglan okkar er sú að þinn árangur er okkar markmið. Ef tilskilinn árangur er ekki að nást fljótlega eftir að meðferðarprógramm er hafið er mikilvægt að gera meðferðaraðilum viðvart svo hægt sé að endurmeta plön og gera breytingar á prógramminu ef þarf. Við erum eins misjöfn og við erum mörg og mismunandi líkamar bregðast mismunandi við meðferðunum. Fókusinn okkar er ekki endilega að viðskiptavinir missi ákveðinn fjölda kílóa heldur aðstoðum við þá við að vinna á staðbundnum breytingum á fitusöfnun, slappri húð, vöðvastyrkingu, slitum, bjúg, bólgum og ýmsu öðru. Okkar markmið er frekar að árangur sjáist með berum augum og á myndum heldur en að missa ákveðinn fjölda kílóa þó það sé nú oft líka ákveðin fylgifiskur sem hlýtur að teljast góður bónus.“ Segir Sigrún og bætir við: „Árangur byggist á góðu samstarfi meðferða, meðferðaraðila og viðskiptavinar, við leggjum mikið uppúr góðu andrúmslofti fyrir bæði starfsfólk og viðskiptavini þannig að óraunhæf markmið og kröfur eiga heima annarstaðar en hjá okkur.“ Bætir hún við að lokum.


Haustáskorun og haustpakkarnir klárast í sölu um helgina

Það borgar sig að hafa hraðar hendur því að haustáskorun og haustpakkar The House of Beauty sem innifela 27-33% afslátt af meðferðunum klárast í sölu á miðnætti á sunnudagskvöldið.

Áhugasamir geta kynnt sér haustáskorun og tilboðin betur hér: https://thehouseofbeauty.is/pages/haust21

Fyrir þá sem vilja bóka sér tíma í fría mælingu og ráðgjöf hjá sérfræðingi geta gert það á einfaldan hátt hér.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -