Fimmtudagur 28. mars, 2024
-4.2 C
Reykjavik

Háafell – Geitfjársetur – Þar sem vinalegar geitur taka vel á móti þér!

VefTv

- Auglýsing -

Hlaðvörp

- Auglýsing -

Á Háafelli hefur verið unnið að verndun og ræktun íslenska geitfjárstofnsins um áraraðir. Nú í ár eru 10 ár frá því að á Háafelli var opnað Geitfjársetur, þar sem boðið er upp á fræðslu um íslensku geitina og fólki gefinn kostur á að kynnast geitunum persónulega. Verslun með geitaafurðir er rekin á staðnum. Jafnt og þétt hefur vöruúrval í búðinni aukist þar sem markmiðið er að geta boðið upp á sem fjölbreyttast úrval íslenskra geitaafurða og annars varnings tengdum geitum.

Hluti af heimsókn í Geitfjársetur og því að kynnast íslensku geitunum er að smakka afurðir þeirra. Á Háafelli er lögð áhersla á að bjóða öllum gestum upp á að smakka íslenska geitaostinn Breka og eitthvað af þeim afurðum sem eru í boði hverju sinni. Í versluninni er líka seldur geitamjólkurís sem hefur komið mörgum skemmtilega á óvart, jafnvel sagður vera besti ís sem fólk hefur smakkað. Geiturnar á bænum eru margar einstaklega félagslyndar og kelnar og því ættu allir að geta notið þess að spjalla við þær góðan part úr degi.

Opnunartími Geitfjárseturs er 13:00-18:00 í júní, júlí og ágúst en á öðrum tíma er opið eftir samkomulagi. Gott er að gefa sér að lámarki klukkutíma til að njóta heimsóknarinnar sem best. Verð fyrir geitaheimsókn er 1.500kr fyrir fullorðna, 750kr fyrir börn 7-17 ára og frítt fyrir 6 ára og yngri, veittur er systkinaafsláttur fyrir fleiri en tvö börn yfir 7 ára. Verslunin er öllum opin á opnunartíma setursins og alltaf er heitt á könnunni.

Geitaknús eru góð knús

Sjá nánár á www.geitur.is

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -