Sunnudagur 14. apríl, 2024
5.1 C
Reykjavik

Sigríður Hrund lagði land undir fót: „Ég er mætt til að þjóna í okkar þágu“

VefTv

- Auglýsing -

Hlaðvörp

- Auglýsing -

Fyrsta legg hringferðar Sigríðar Hrundar Pétursdóttur, forsetaframbjóðanda um landsbyggðina er nú lokið.

Sigríður Hrund lagði land undir fót og heimsótti fimm staði á Norðurlandi; Sauðárkrók, Siglufjörð, Dalvík, Akureyri og Hvammstanga  og voru viðtökur góðar að sögn Sigríðar. Dalamenn voru heimsóttir bæði á vinnustöðum en einnig við eldhúsborðið. Markmiðið var að eiga beint og milliliðalaust spjall við þjóðina á heimavelli og heppnaðist það vel. Mæting var góð og sköpuðust innihaldsríkar umræður.

Sigríði Hrund var vel tekið á ferð sinni um Norðurland.
Ljósmynd: Aðsend

Boðað var til opinna funda á sex stöðum víðsvegar um Norðurlandið, en auk þess sem Sigríður Hrund heimsótti vinnustaði og var að auki ítrekað boðið óvænt til kaffispjalls á heimilum fólks. Gæddu fundargestir sér á kaffi og með því að hætti heimamanna og tóku spjall um það sem skipti máli fyrir svæðið hverju sinni. Umræðurnar voru fróðlegar og einstaklega gagnlegar í farteskið fyrir komandi tíma.

Sigríður Hrund í góðum félagsskap.
Ljósmynd: Aðsend

„Ég var svo lánsöm að fá að hitta fólkið á landsbyggðinni á þeirra heimavelli. Sama hvar okkur bar niður virtist samhljómur í hugum fólks varðandi forsetaembættið. Það má segja að leiðarstefið í gegnum flesta fundina hafi verið mikilvægi þess að forseti hlusti vel á þjóðina, standi með þjóðinni og sé óháð í sinni afstöðu. Ég er afar þakklát fyrir móttökurnar og auðmjúk í hjarta. Það var dýrmætt að setjast niður persónulega með fólkinu og eiga þessi innihaldsríku samtöl um líf þeirra og framtíð, en ég er mætt til að þjóna í okkar þágu,“ segir Sigríður Hrund.

Sigríður Hrund hitti marga áhugaverða íbúa Norðurlands.
Ljósmynd: Aðsend

Næsta fundaröð Sigríðar Hrundar þar sem hún spjallar við þjóðina, verður á Austurlandi vikuna eftir Páska.

- Auglýsing -

 

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -