Guðmundur Sigurður Guðmundsson þurfti að ganga í gegnum þá skelfilegu raun að missa eiginkonu sína og dóttur sama daginn í október árið 2023. Guðmundur fjallar um missinn í þriðja og síðasta þætti viðtalsins en Sjóarinn heimsótti Guðmund á heimili hans í Malmö í Svíþjóð.
Guðmundur, sem er Ísfirðingur, hóf ferill sinn til sjós á skaki og er þeirrar kynslóðar að hafa prófað að vera til sjós á síðutogara. Hann er goðsögn í augum sumra þegar kemur að sjómennsku, heljarmenni og sagan segir að hann hafi sjaldan þurft að klæða hendur sínar vettlingum, sem sumir lýstu sem hrömmum, þegar hann var við störf sín til sjós. En að sögn Guðmundur var hann áhugalaus um sjómennsku til að byrja með.
„Þegar ég var að byrja mína sjónmennsku þá var ég, að mér fannst, nokkuð latur og áhugalaus. Kannski á skakinu kom smá áhugi þar. Það var þessi agi sem var þarna um borð. Þetta var bara eins og maður væri kominn í herinn og stýrimaðurinn [Eyjólfur sem varð síðar skiptstjóri á Vestmannaey], mér þótti vænt um hann. Hann var eins og klipptur úr síðari heimstyrjöldinni. Hann var helvíti góður.“
Hægt er að horfa á fyrsta viðtalsþáttinn við Guðmund hér