Föstudagur 7. október, 2022
4.8 C
Reykjavik

Allt frá síðpönki til trip hops

Helgarviðtalið

- Auglýsing -

Orðrómur

- Auglýsing -

Fyrsta útgáfa sveitarinnar Ryba, Girls / Full Blown Kisses, er komin í búðir og er þröngskífa (7”) sem inniheldur tvö lög en einnig er komið út myndand við lagið Girls.

Ryba var stofnuð í Łódź, Póllandi árið 2017 af þeim Heimi Gesti Valdimarssyni (áður í Jakobínurínu) og Alex Raczyński (Mount Lamaiam), þar sem þeir unnu að elektróník, póst-punki og kvikmyndatónlist en Heimir stundaði nám í kvikmyndagerð í Łódź. Við heimkomuna til Íslands óx verkefninu ásmegin og í hópinn bættust þeir Sigurður Möller Sívertsen (Grísalappalísa), Andri Eyjólfsson (Andi), Baldur Hjörleifsson (Baldur) og Kormákur Jarl Gunnarsson (Flesh Machine).

Hljómsveitin sækir áhrif sín víða að, allt frá síðpönki og krautrokki til hip og trip hops. Kvikmyndir leika líka stórt hlutverk í fagurfræði sveitarinnar en þess má geta að fjórir meðlima hafa lagt stund á einhverskonar kvikmyndanám.

Fram undan er svo frekara tónleikahald í sumar og verður fyrsta stopp útgáfutónleikar á Gauknum í lok júní. Hægt er að hlusta á herlegheitin og sjá myndbandið á Albumm.is.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -