- Auglýsing -
Kári Þór Arnþórsson er einn helsti plötusnúður landsins en hann hefur þeytt skífum á öllum helstu stöðum bæjarins frá því snemma á tíunda áratugnum. Dj Kári, eins og hann er oftast kallaður, hefur komið víða við en hann vann lengi vel í hinni sálugu plötuverslun Hljómalind sem Kiddi kanína átti og rak.
Hann er bæði fróður um tónlist og með breiðan tónlistarsmekk og þekktur fyrir að rífa þakið af skemmtistöðum borgarinnar með eðalrappi, elektró, funki og house-tónlist. Hér bendir Kári lesendum á hvaða fimm plötur hann heldur mest upp á um þessar mundir en hann tekur fram að listinn sé ekki negldur í stein og breytist reglulega. Hægt er að hlusta á plöturnar á albumm.is.
