- Auglýsing -
Hinn kynþokkafulli Love Guru og góðvinur hans Doddi hafa tekið höndum saman í nýju sumarlegu lagi í diskóhouse-stíl, Desire, sem er fullt af ást og löðrandi í erótók. Þetta er í fyrsta skipti sem þessir félagar gefa út tónlist saman þrátt fyrir að hafa átt í mjög nánu samstarfi síðustu 17 ár.
Í laginu heyrist Love Guru syngja í fyrsta skipti en hann hefur meira haldið sig við röfl og köll í gegnum tíðina. Þess má geta að lagið hefur hlotið góðar viðtökur og lét Siggi Gunn á K100 m.a. þau orð falla að Desire gefi honum svo mikinn kraft að hann verði að hjóla til Akureyrar „í frægu buxunum!“ á meðan Andrea Jónsdóttir útvarpskona segir að það vínylji í sér danshjartað.