Rauði krossinn mun veita íbúum Egilsstaða sálrænan stuðning og skyndihjálp eftir skotárásina sem varð á Egilsstöðum í gær. Þar var maður skotinn af lögreglu og liggur viðkomandi þungt haldinn á sjúkrahúsi, eftir því sem Morgunblaðið greinir frá.
Maðurinn er sagður hafa skotið að lögreglubíl í gærkvöldi vopnaður haglabyssu. Lögreglan á Austurlandi sendi frá sér tilkynningu rétt í þessu þar sem fram kemur að áfallamiðstöð verði opnuð síðdegis í Egilsstaðaskóla:
„Vegna atburðar á Egilsstöðum í gærkvöldi verður opin áfallamiðstöð í Egilsstaðaskóla milli klukkan 16 og 18 í dag þar sem Rauði krossinn veitir sálrænan stuðning og skyndihjálp.Foreldrar eru sérstaklega hvattir til að koma með börn sín og ungmenni ef borið hefur á kvíða hjá þeim og vanlíðan. Allir velkomnir.“