Alexandra Helga Ívarsdóttir, eiginkona knattspyrnumannsins Gylfa Sigurðssonar og annar eigandi netverslunarinnar Móa & Mía, hefur fest kaup á verslunarhúsnæði við Ármúla 40.
Alexandra – sem var Ungfrú Ísland árið 2008 – festi kaup á húsnæðinu í gegnum félag sitt Santé North ehf.
Kaupverðið var litlar 260 milljónir króna; er hér um að ræða 547 fermetra verslun og 319 fermetra vörugeymslu.
Alexandra setti á stofn fyrirtækið Móa & Mía í fyrra, ásamt Móeiði Lárusdóttur.
Hingað til hefur verslunin verið eingöngu á netinu, en fljótlega verður þar breyting á.
Komið hefur fram að verslunin er nefnd í höfuðið á dætrum þeirra Alexöndru og Móeiðar; Alexandra og Gylfi eiga saman dótturina Melrós Míu; Móeiður og Hörður Björgvin Magnússon knattspyrnumaður eiga saman dæturnar Matteu Móu og Mörlu Ósk.
