Söngvarinn Einar Júlíusson er látinn; hann lést í faðmi fjölskyldu sinnar í nótt, 78 ára að aldri.
Einar var einn af stofnendum jafnfrægustu hljómsveitar Íslandssögunnar, Hljómar, og var Einar fyrsti söngvari hljómsveitarinnar.
Eftir ævintýrið með Hljómum var hann í hljómsveitinni Pónik og Einar í um aldarfjórðung, en í seinni tíð lagði hann áherslu á einsöng.
Fjölskylda Einars sendi frá sér tilkynningu sem má lesa hér að neðan:
„Eitt helsta átrúnaðargoð unga fólksins á 7. áratugnum og stórsöngvarinn Einar Júlíusson, lést í faðmi fjölskyldunnar síðastliðna nótt. Einar fæddist í Keflavík 20. ágúst 1944, hann bjó og starfaði þar alla tíð. Einar byrjaði á barnsaldri að syngja, hann var einn af stofnendum Hljóma og var fyrsti söngvari þeirra frægu hljómsveitar. Hann átti síðan farsælan 23 ára ferill með hljómsveitinni „Pónik og Einar“. Á síðari árum lagði hann áherslu á einsöng, þar sem hann söng við ýmsar athafnir. Einar söng á hljómplötu með Ellý Vilhjálmsdóttur og varð sú plata mjög vinsæll. Fræg lög sem Einar söng voru til dæmis lögin „Brúnaljósin brúnu“, „Léttur í Lundu“ og „Viltu dansa“.“