Fimmtudagur 28. mars, 2024
-3.2 C
Reykjavik

Appelsínugul viðvörun fyrir mestallt landið

VefTv

- Auglýsing -

Hlaðvörp

- Auglýsing -

Aftakaveður verður á landinu seinnipartinn í dag og á morgun samkvæmt spá Veðurstofunnar. Appelsínugul viðvörun hefur verið gefin út fyrir Suðurland, Faxaflóa, Breiðafjörð, Vestfirði, Strandir og Norðurland vestra.

Samkvæmt spá Veðurstofunnar mun veður fara versnandi í kvöld og í nótt, fyrst á stormurinn að ganga yfir á Suðurlandi en búist er við að austan- og norðaustanátt fari í 20-28 metra á sekúndu.

Búast má við mjög snörpum vindhviðum við fjöll, meðal annars undir Eyjafjöllum þar sem vindhviður eiga að fara í allt að 40 metra á sekúndu. Útlit er fyrir él með takmörkuðu skyggni og hvassviðri og verða slæm akstursskilyrði um mest allt landið og ekkert ferðaveður meðan á því stendur.

Á höfuðborgarsvæðinu skellur á með norðaustan hríð seinnipartinn í dag. Á Austurlandi verður norðaustanátt í nótt 18-25 metrar á sekúndu og talsverð snjókoma með lélegu skyggni. Spáð er að veðrið gangi niður þar um kl. 15 á sunnudag.

Á Vesturlandi er í dag 18-25 m/s og snarpar vindhviður við fjöll. Varasamt er fyrir ökutæki sem taka á sig mikinn vind. Búast má við éljum eða skafrenningi með takmörkuðu skyggni og erfiðum akstursskilyrðum. Bæta mun í storminn í nótt og getur vindur farið í 20-28 m/s. Veðrinu mun ekki slota á Vestfjörðum fyrr en aðfararnótt mánudags samkvæmt spá veðurfræðings en veðrið byrjar að ganga niður að mestu leyti á landinu seinni partinn á morgun og aðfararnótt mánudags þegar fer aftur að hlýna.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -