Árni Már Jensson segir að í fólksfjölgunarspá Pew Center frá 2015 sé gert ráð fyrir pólskiptum í landslagi trúarbragða heimsins næstu áratugina:
„Árið 2050 mun útbreiðsla Islam nálgast útbreiðslu Kristninnar,“ og tuttugu árum síðar, eða árið 2070, yfirgnæfa múslimar kristna, sem í besta falli munu halda í við mannfjölgun.“ Árni nefnir einnig að fyrir ellefu árum „voru kristnir langfjölmennasta trúarhreyfing jarðarinnar, 2.2 milljarðar, eða u.þ.b. 31% hlutfall heildarfólksfjölda, 6.9 milljarða.
Islam var í öðru sæti með 1.6 milljarða, eða 23% af heildar mannfjölda. Haldist núverandi þróun óbreytt, mun Islam nálgast leiðandi útbreiðslu upp úr miðri öld eða innan 30 ára. Fólksfjölgunarspá Pew Center, 2010-2050 gerir ráð fyrir 35% aukningu jarðarbúa.
Á sama tímabili gerir spáin ráð fyrir fjölgun múslima, sem eru hlutfallslega yngri og frjósamari, um 73%. Samkvæmt spánni mun kristnum einnig fjölga um 35%, sem er þó einungis í takt við almenna fólksfjölgun. Þannig mun Kristni standa í stað miðað við fólksfjölgun á sama tíma og Islam vaxa mjög.“