Mánudagur 24. júní, 2024
10.1 C
Reykjavik

Aron fyrirliði sagður bannaður frá landsliðinu – Fjarveran útskýrð síðar segir þjálfarinn

VefTv

- Auglýsing -

Hlaðvörp

- Auglýsing -

Aron Einar Gunnarsson, fyrirliði íslenska karlalandsliðsins í fótbolta, var ekki valinn í landsliðshópinn fyrir leiki liðsins sem framundan eru í október. DV heldur því fram að bráðabirgðastjórn KSÍ hafi meinað landsliðsþjálfaranum, Arnari Viðarssyni, að velja fyrirliðann í hópinn. Því neitar þjálfarinn aftur á móti í samtali við Vísi.

Aron er að minnsta kosti ekki í hópnum, þrátt fyrir að vera heill heilsu og spilað undanfarna leiki með félagsliði sínu, sem kynntur verður á eftir fyrir leiki gegn Armeníu og Liechtenstein. Ef marka má fréttir DV hafði Arnar þjálfari ætlað sér að velja Aron fyrirliða en stjórnin hafi tekið fyrir það.

Sjá einnig: Segir tvo þjóðþekkta Íslendinga hafa nauðgað sér ítrekað: „Ég skila skömminni, FOKKIÐ YKKUR “

Landsliðsþjálfarinn segist ætla að skýra síðar út ákvörðun sína um að hafa Aron ekki með.

„Aron Einar er ekki valinn í þetta verkefni. Eftir mörg góð samtöl á milli mín, Arons og Eiðs Smára tók ég þá ákvörðun að velja Aron ekki. Ástæðan fyrir því er utanaðkomandi og ég get því miður ekki farið neitt nánar út í það í dag,“ sagði Arnar við Vísi.

Arnar hefur áður gefið út þá yfirlýsingu að finna þurfi nýjan landsliðsþjálfara í sinn stað haldi stjórn KSÍ áfram að hlutast til um leikmannavalið, líkt og raunin var með landsliðsframherjann Kolbein Sigþórsson á dögunum.

- Auglýsing -

Sjá einnig: Landsliðið í stormi samfélagsmiðla – Ásakanir um kynferðisbrot og heimilisofbeldi

Aron Einar er 32 ára gamall knattspyrnumaður sem leikið hefur 97 landsleiki fyrir Íslands hönd. Hann hefur verið fyrirliði liðsins í gegnum blómaskeið karlalandsliðsins á undanfarnum árum.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -