- Auglýsing -
Árshátíðir Hafnarfjarðarbæjar og Garðabæjar áttu að fara fram í kvöld en báðum samkomunum hefur verið frestað.
Á vef Hafnarfjarðarbæjar segir að tekin hafi verið ákvörðun um að fresta árshátíðinni um óákveðinn tíma í ljósi þess að ríkislögreglustjóri hefur lýst yfir neyðarstigi almannavarna í samráði við sóttvarnalækni vegna COVID-19. Þar segir einnig að ákvörðunin sé „gríðarlega stór“ og þeir sem ætluðu að mæta á árshátíðina eru beðnir um að sýna skilning.
Á vef Garðabæjar segir : „Að höfðu samráði við almannavarnir hefur verið tekin ákvörðun um að fresta árshátíð Garðabæjar fyrir starfsmenn Garðabæjar um óákveðinn tíma.“
Árshátíð Seltjarnarnesbæjar fór fram í gær.