Ásdís nokkur, íbúi í Grafarholti, horfði upp á slagsmál ungra drengja í Grafarholtinu, nærri Ingunnarskóla. Ungur drengur flúði þaðan slasaður af vettvangi á meðan fjöldi annarra drengja tóku slagsmálin upp á myndband.
Ásdís segir frá upplifun sinni í hópi hverfisbúa á Facebook. Atburðinum lýsir hún svona:
„Gengum fram hjá Ingunnarskóla rétt í þessu og stoppuðum slag Ungur strákur (10-12 ára,) með gula 66° húfu fór heim á rafmagnshlaupahjóli eftir högg í auga. Í kringum þá hafði safnast saman hópur af ungum strákum sem voru að taka athæfið upp. Talið við börnin ykkar um þessa hluti, ég fékk sting í hjartað að sjá þetta.“
Eins og gefur að skilja er íbúum hverfisins brugðið við þessa frásögn. Sigrún, sem einnig býr í Grafarholti, er miður sín. „Þetta er ljótt að heyra, foreldrar fylgist endilega með börnunum ykkar,“ segir Sigrún.
Sveinbirni er líka brugðið og vill að þetta sé stöðvar. „Ömurlegt að heyra, reynum eins og við getum að stoppa þetta. Þetta er hræðilegt athæfi og getur valdið mikilli vanlíðan og haft slæmar afleiðingar. Tölum við börnin okkar,“ segir Sveinbjörn.