Laugardagur 28. janúar, 2023
3.1 C
Reykjavik

Berglind matarbloggari fellur ekki í gildru ofneyslu:„Þarf ég þetta?“

Helgarviðtalið

- Auglýsing -

Orðrómur

- Auglýsing -

Neytandi vikunnar, Berglind Hreiðardsdóttir, er gift þriggja barna móðir og býr í Mosfellsbænum. Hún heldur úti matar- og ævintýrasíðunni gotteri.is og er það hennar aðalstarf.

Hvernig sparar þú í matarinnkaupum?

Ég geri innkaupalista og matseðil fyrir alla vikuna. Reyni að nýta hráefni á milli máltíða og hafa fjölbreyttan mat. Sumt kostar lítið, annað meira og ég reyni að hafajafnvægi þar á. Einnig er sniðugt að nýta þjónustu eins og Einn, tveir og elda eða annað slíkt þar sem hráefni er skammtað akkúrat eftir fjölda.

Endurnýtir þú? Ertu með ráð til annarra?

Ég endurnýti eins og ég get en mætti klárlega gera betur í þeim efnum. Það eru 6 og síðan 8 ár á milli stelpnanna minna en nú er sú yngsta samt til dæmis í 8 ára gömlum kuldagalla af miðjunni. Síðan fer ég í Barnaloppuna með föt, bæði til að kaupa og selja og gef annað áfram. Bestu ráðin eru að spyrja sig, þarf ég þetta, á móti langar mig í þetta…..og þar hefur maður yfirleitt svarið við því hvort það þurfi að kaupa ákveðna hluti eða ekki. Auðvitað má samt alveg líka kaupa stundum það sem manni langar í en ef maður er duglegur að spyrja sig verða þau kaup minni.

Hvað hefur þú í huga þegar þú kaupir mat, fatnað og gjafir?

- Auglýsing -

Ég reyni alltaf að kaupa það sem ég veit að verður borðað eða notað og frekar að kaupa gjafir með notagildi eða upplifun en að kaupa bara eitthvað út í loftið.

Hverju átt þú erfiðast með að draga úr kaupum á?

Mat!!! Segir sig kannski sjálft þegar maður er matarbloggari en matvöruverslanir landsins eiga langstærstan part á kortayfirlitinu mínu, hahaha! Það koma tímabil þar sem ég er að vinna margar uppskriftir fyrir síðuna og við erum hreinlega með allt of mikinn mat en þá fer ég með smakk yfir til vina og ættingja til þess að nýta matinn sem best.

- Auglýsing -

6. Skiptir umhverfisvernd þig máli?

Já að sjálfsögðu, hún ætti að skipta alla máli! Allir litlu hlutirnir eins og fjölnota pokar, draga úr matarsóun, nota aðrar samgöngur en einkabíl, flokka sorp og þar fram eftir götunum hjálpar til.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -