Mánudagur 20. maí, 2024
6.8 C
Reykjavik

Brynjar leitar að Skrímsladeildinni: „Ég er orðinn nokkuð forvitinn“

VefTv

- Auglýsing -

Hlaðvörp

- Auglýsing -
„Ég er orðinn nokkuð forvitinn um þessa skrímsladeild í Valhöll, sem skýtur alltaf upp kollinum öðru hvoru í umræðunni,“ skrifar Brynjar Níelsson, varaþingmaður Sjálfstæðisflokksins, á Facebook-síðu sinni.
Forvitni Brynjars um fyrirbærið kviknar vegna umræðu um fyrirbærið sem hefur um langt árabil verið til umræðu. Helstu verkefni Skrímsladeildarinnar eru launsátur og undirróður gegn andstæðingum Sjálfstæðisflokksins í aðdraganda kosninga. Brynjar botnar ekkert í þessu.
„Nú hef ég verið tíður gestur í Valhöll í áratug en aldrei orðið var við þessa skrímsladeild þótt ýmislegt leynist í húsi Drottins. Þessari skrímsladeild, sem teygir nú anga sína í Spursmál á Mogganum, er alltaf kennt um þegar einhver gerir upp á bak eða stendur sig ekki sem skyldi,“ skrifar Brynjar, sem sjálfur þykir vera einkar opinskár og lítt gefinn fyrir launsátur.
Ekki vera fórnarlamb 
„Að leika fórnarlamb í kosningabaráttu er aldrei flatterandi. Fjölmiðlamenn eiga að spyrja frambjóðendur erfiðra og óþægilegra spurninga. Frambjóðendur eiga að fagna slíkum spurningum því það gefur þeim tækifæri á að sanna að það sé eitthvert stöff í þeim. Ekki er hægt að bjóða endalaust upp á innihaldslausa froðu um allt og ekkert. Svo er mikilvægt fyrir frambjóðendur að segja alltaf satt og fegri ekki hlutina um of,“ skrifar hann og er vafalítið að vitna þar til óheflaðrar umræðu um frambjóðendurna Höllu Hrund Logadóttir og Baldur Þórhallsson.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -