Þvert á tilmæli fagnar Brynjar Níelsson eldgosinu í Heimaey 1973 í nýrri fésbókarfærslu. En í gær var haldin sérstök minningarathöfn haldin í Vestmannaeyjum þar sem 50 ár eru síðan gosið hófst. Brynjar viðurkennir þó alvarleika eldgossins en er þakklátur fyrir kvonfang sitt og segir: „En það var happ fyrir aðra því þennan dag gaus Soffía upp á land“.
Brynjar útskýrir áfram hvernig hún hafi stundað nám í Kvennaskólanum en síðar fært sig yfir í Lærða skólann sem í dag heitir Menntaskólinn í Reykjavík: „Á háskólaárunum lenti hún í höndunum á ægilegum ódámi, sem má segja að hafi rænt henni og náði síðan að selja henni þekktan frasa að batnandi er mönnum best að lifa. Hún spyr enn reglulega hvenær von sé á þessum bata.“
Í færslunni dregur Brynjar ekki úr áhrifum gossins á líf Eyjamanna eða konu sinnar og ritar: „Má segja að eldgosið hafi haft veruleg áhrif á líf Soffíu. Hún segir gjarnan að ef ekki hefði gosið í eyjunni væri hún núna virðuleg fiskarafrú í Eyjum og fyrir löngu orðin langamma í stað þess að sitja uppi með landsþekktan ræningja sem lætur skattgreiðendur greiða sér laun fyrir ekki neitt á sama tíma og hann móðgar þá.“
Færslu Brynjars má lesa hér að neðan: