Nú hafa spilakassar verið opnaðir á ný en Rauði krossinn, SÁÁ og Slysavarnarfélagið Landsbjörg eru þau samtök sem eiga Íslandsspil sem reka um 580 spilakassa hringinn í kringum landið.
Þótt allir vilji rekstur þessara samtaka sem bestan er mikill meirihluti almennings á móti því að þau afli fjár með þessum hætti. Kannanir hafa leitt í ljós að 86% þjóðarinnar vill spilakassana burtu.
Staðreyndin er sú að kassarnir safna ekki litlu fé frá mörgum heldur taka aleiguna af fáum.
Meðan á samkomubanni stóð og spilakassarnir voru lokaðir var líf margra spilafíkla mun léttara. Einn atvinnurekandi steig meira að segja fram í fjölmiðlum til að tjá sig um hve mikinn mun hann fyndi á nokkrum starfsmönnum sínum er glíma við slíka fíkn.
Kannski hefðu þessi samtök átt að nota tækifærið nú og finna aðrar og heillavænlegri leiðir til að afla fjár.
Ert þú með ábendingu? Sendu póst á [email protected].
Umsjón / Malín Brand