Christine McVie látin

Söng­konan og laga­höfundurinn Christine McVi­e úr hljómsveitinni goðsagnakenndu Fleetwood Mac, er látin; hún var 79 ára gömul.

Fjöl­skylda McVie tilkynnti þessi sorgartíðindi í dag.

Christine McVie var frábær söngkona og enn betri lagahöfundur; samdi meðal annars lög líkt eins Litt­le Lies, Don’t Stop, E­verywhere og Son­g­bird, sem er hennar þekktasta lag, og hafa margir spreytt sig á þeirri perlu með misgóðum árangri.

Þá var hún mjög góður hljómborðsleikari og gaf út fjórar sólóplötur.

Christine var skírð Christine Anne Per­fect. Hún giftist bassa­leikara Fleetwood Mac, John McVi­e, og gekk til liðs við hljómsveitina árið 1971. Fleetwood Mac hefur á sínum langa ferli selt um 200 milljónir hljómplatna, og átti Christine McVie ekki lítinn þátt í þessum rosalega árangri.