• Orðrómur

Efling og Reykjavíkurborg semja og ótímabundnu verkfalli aflýst

Efnisorð

Deila

- Auglýsing -

Stéttarfélagið Efling og Reykjavíkurborg undirrituðu kjarasamning í nótt kjarasamning eftir rúmlega mánaðarlangar verkfallsaðgerðir félagsmanna Eflingar og stífar viðræður hjá ríkissáttasemjara.

Með samningnum hækka byrjunarlaun Eflingarfélaga í lægstu launaflokkum um allt að rúmlega 112.000 krónur á samningstímanum miðað við fullt starf. Hækkunum umfram 90 þúsund króna taxtahækkun að fyrirmynd almenna vinnumarkaðarins er náð fram með töflubreytingu sem skapar að meðaltali um 7.800 krónur í viðbótargrunnlaunahækkun hjá öllum Eflingarfélögum og einnig er samið um sérstaka viðbótarhækkun lægstu launa í formi sérgreiðslu.

Margvíslegar kjarabætur aðrar en grunnlaunahækkanir eru í samningnum, svo sem stytting vinnuvikunnar, útfærð bæði fyrir dagvinnu- og vaktavinnufólk. Greiðsla 10 yfirvinnutíma á mánuði til leikskólastarfsfólks er nú tryggð í kjarasamningi í formi nýrrar sérgreiðslu. Námskeiðum og fræðslu er gefið aukið vægi í launamyndun einstakra starfsmanna.

- Auglýsing -

Samningurinn nær til um 1.850 Eflingarfélaga í störfum hjá Reykjavíkurborg. Gildistími samningsins er til 31. mars 2023.

„Loksins, loksins! Takk fyrir allt saman, elsku samninganefnd! Og takk kæru félagsmenn, fyrir staðfestuna og samstöðuna. Sögulegur sigur en við erum rétt að byrja. Baráttan fyrir réttlátu og sanngjörnu samfélagi heldur áfram,“ skrifar Sólveig Anna Jónsdóttir, formaður Eflingar, á Facebook í nótt.

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -