Ofsaveður er þessa stundina ansi víða á klakanum okkar. Á Suðurnesjunum er varla hægt að sjá á milli húsa.
Í Grindavík er kolvitlaust veður þessa stundina, sem sjá má á þessum myndum með fréttinni.
Blaðamaður Mannlífs býr í Grindavík og þegar hann skrapp út í búð áðan – Nettó – mætti hann manni sem sagðist ekki hafa fundið Nettó alveg strax:
„Þetta skall á svo hratt að ég vissi varla hvar ég var – ákvað að kaupa eitthvað smotterí fyrir kvöldið og hélt að veðrið yrði ekki svona brjálað alveg strax. Ég hafði ekki rétt fyrir mér að þessu sinni,“ sagði hann og hló dátt.
Áður en við kvöddumst í þessu óveðri sagði hann þetta:
„Ég hef búið hér lengi, en þetta er í fyrsta sinn sem ég týnist í Grindavík – ég sá bara ekki Nettó fyrir óveðrinu – ég bara fann ekki Nettó!“