- Auglýsing -
Ellefu manns létust í tveimur skotárásum í Bandaríkjunum síðastliðna helgi. Átján ára piltur, að nafni Payton S. Gendron, myrti tíu manns í Buffalo og særði þrjá en segir lögregla þar í landi að um hatursglæp sé að ræða. Gendron keyrði rúmlega 300 kílómetra frá heimili sínu til þess að myrða fólk sem var dökkt á hörund. Gendron hafði sett myndavél á hjálm sinn og streymdi árásinni. Nokkrum klukkustundum eftir árásina var hann færður í dómsal og á yfir höfði sér lífstíðardóm.
Degi síðar, lést einn og fjórir særðust, í skotárás í kirkju í Kaliforníu. Samkvæmt erlendum fréttamiðlum voru allir þeir sem særðust í árásinni eldri borgarar. Einn hefur verið handtekinn, grunaður um verknaðinn.