Laugardagur 18. maí, 2024
7.8 C
Reykjavik

Ferðamaður lést eftir hákarlaárás – Heyrðu fólk öskra á hjálp í sjónum

VefTv

- Auglýsing -

Hlaðvörp

- Auglýsing -

Ástralskur ferðamaður lést eftir hákarlaárás á fjölmennri strönd í Nýju Kaledóníu síðdegis í gær. Maðurinn var á sundi við bát sem staðsettur var um 150 metrum frá Chateau-Royal ströndinni þegar hákarlinn réðst á hann og beit hann nokkrum sinnum. Björgunarsveitarmenn á ströndinni voru látnir vita af árásinni eftir að hafa heyrt öskur berast frá fólki í sjónum. Samkvæmt erlendum miðlum var ströndin rýmd samstundis en tveir menn náðu manninum upp í bát og flýttu sér með hann að ströndinni. Aðrir sundmenn náðu að koma sér undan eftir að hafa orðið vitni að árásinni.

Sjúkraliðinn Dr Vincent Ouradou var á svæðinu þegar árásin átti sér stað en í samtali við útvarpsstöðina La 1ère sagði hann að maðurinn, sem var 59 ára gamall, hefði verið bitinn að minnsta kosti þrisvar sinnum í handleggi og fætur. Nokkrir óbreyttir borgarar komu manninum til aðstoðar en þrátt fyrir endurlífgunartilraunir var maðurinn úrskurðaður látinn á vettvangi.

Sonia Lagarde, borgarstjóri Noumea, fyrirskipaði lokun meirihluta stranda á svæðinu í kjölfar árásarinnar og voru drónar settir á vettvang til að staðsetja hákarlana. Þá fyrirskipaði Sonia að allir hákarlar á svæðinu yrðu handsamaðir. Rannsókn er hafin vegna málsins en árásin átti sér stað innan svæðis sem er vaktað af björgunarsveitamönnum.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -