Fjórtán ára drengur hefur verið ákærður fyrir morðið á hinum 53 ára Ian Kirwan. Ian var stunginn til bana fyrir utan matvöruverslun í Worcestershire í Bretlandi. Morðið átti sér stað um klukkan hálf átta á þriðjudagskvöldið.
Drengurinn sem grunaður er um glæpinn situr nú í gæsluvarðhaldi og hófust réttarhöld yfir honum í dag. Ellefu manns til vibótar hafa verið handteknir í tengslum við málið en átta þeirra hefur verið sleppt og einum sleppt gegn tryggingu.
Rannsókn málsins stendur enn yfir og hefur lögreglan á svæðinu beðið hugsanleg vitni um að stíga fram.
Ian Kirwan var vinamargur og vel liðinn. Vinir hans og kunningjar lýsa honum sem jákvæðum einstakling sem var alltaf reiðubúinn að hjálpa öðrum. Íbúum á svæðinu var mjög brugðið eftir árásina og þurfti lögregla að auka gæslu á svæðiu til muna.