Hin tíu ára gamla Lily Peters hvarf á sunnudagskvöld þegar hún var á leið heim til sín í bænum Chippewa Falls í Wisconsin í Bandaríkjunum, hún hafði verið í heimsókn hjá frænku sinni.
Skammt frá heimili frænkunnar fannst hjól Lily á fáförnum göngustíg, stuttu síðar fannst lík stúlkunnar í skóglendi í nálægð við hjólið.
Lögreglan í Chippewa Falls handtók fjórtán ára dreng á þriðjudag, hann er grunaður um hrottalegt morðið á hinni tíu ára gömlu Lily. Lík stúlkunnar fannst á mánudag og telur lögreglan að hún hafi verið kyrkt og beitt kynferðislegu ofbeldi.
Samkvæmt frétt CNN hefur drengurinn játað á sig morðið og sagði hann tilætlun sína hafa verið að misnota og myrða ungu stúlkuna. Á blaðamannafundi kom fram að hann þekkti Lily fyrir morðið.
Ekki er búið að ákveða hvort hinn grunaði fari fyrir rétt sem fullorðinn einstaklingur en vegna alvarleika brotsins eru líkur á að það verði gert.