Föstudagur 19. apríl, 2024
1.8 C
Reykjavik

Játaði á sig morð í talskilaboðum: „Ég er nýbúin að myrða einhvern, hringdu í mig núna“

VefTv

- Auglýsing -

Hlaðvörp

- Auglýsing -

Kona sem játaði fyrir fyrrverandi kærasta sínum að hafa myrt besta vin mömmu sinnar í hrollvekjandi talhólfsskilaboðum var í dag dæmd í lífstíðarfangelsi. Rebecca Press, 31 árs, var dæmd í lífstíðarfangelsi eftir að hafa verið fundin sek um morðið á Marc Ash, 57 ára, í júlí 2022. Press neitaði upphaflega að hafa orðið Marc að bana en breytti frásögn sinni í miðjum réttarhöldum og viðurkenndi sekt sína.

Kvöldið örlagaríka hafði Press komið heim eftir að hafa verið úti að skemmta sér. Nokkrum dögum áður hafði hún slitið sambandi við kærasta sinn vegna gruns um framhjáhald og var hún því reið. Eftir að Press kom heim hóf hún að öskra á bróður sinn, sem þekkti fyrrverandi kærasta hennar. Þá blandaði móðir þeirra sér í ágreininginn og bað þau um að hætta að öskra. Press brást illa við ummælum móður sinnar og skallaði hana sem varð til þess að framtennur hennar brotnuðu. Móðirin hafi þá kallað á Marc, nágranna sinn og besta vin, og beðið hann um að róa Press meðan hún hringdi á lögregluna.

Fyrir dómi kom fram að Marc hafi beðið Press um að slaka á en greip hún þá í 7,5 cm langan hníf og stakk Marc með þeim afleiðingum að hann lést. Press flúði af vettvangi, faldi sig í runna og hringdi í fyrrverandi kærasta sinn. Þar skildi hún eftir óhugnaleg skilaboð: „Þetta er mjög slæmt. Þetta er virkilega helvíti slæmt. Ég hef stungið einhvern og drepið hann. Ég er nýbúin að myrða einhvern, vinsamlegast hringdu í mig núna. F*** (öskur). Ég hef bara myrt einhvern,“ sagði Press á upptökunni. Press var handtekin skömmu síðar og mældist mikið magn áfengis og fíkniefna í blóði hennar. Marc hefur verið lýst sem blíðum, hljóðlátum og hjálpsömum manni sem er sárt saknað.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -