Í myndbandi, sem hefur farið eins og eldur í sinu á internetinu undanfarna daga, sjást lögreglumenn reyna fjarlægja konu úr flugvél. Í myndbandinu sést ekki hvað varð til þess að lögreglumennirnir voru beðnir að fjarlægja konuna en óhætt er að segja að viðbrögð konunnar hafi vakið mikla athygli og líkti hún sér við George Floyd.
Floyd var myrtur af lögreglumönnum þegar hann var í lögregluhaldi eftir að hafa notað falsaðan peningaseðil árið 2020.
Í myndbandinu er ljóst að lögreglumennirnir eiga eftir með að springa ekki úr hlátri þegar þeir sjá viðbrögð konunnar eftir að hún er sett í handjárn. Einstaklingur sem tók upp myndbandið hefur sagt að allir farþegar vélarinnar hafi þurft að fara úr vélinni svo hægt væri að fjarlægja konuna.
Atvikið gerðist í Las Vegas en lögreglan í borginni hefur ekkert tjáð sig um handtökuna og nafn konunnar liggur ekki fyrir.
Hægt er að sjá myndband af atvikinu hér.