Tuttugu og fimm ára gamall maður vopnaður sveðju myrti meðhjálpara og særði prest alvarlega í borginni Algeciras á Spáni í gærkvöldi. Maðurinn gerði árás við tvær kirkjur í borginni en særðust að auki þrír aðrir.
Fyrri árásin átti sér stað við kirkjuna Maria Auxiliadora y San Isidro en áður en maðurinn réðst að prestinum ógnaði hann kirkjugestum. Eftir það gekk árásarmaðurinn í fimm mínútur þar til hann kom að annarri kirkju. Meðhjálpari kirkjunnar flúði út á götu en árásarmaðurinn elti hann uppi og myrti með sveðjunni. Í frétt El Mundo sem fjallaði um árásina segir að árásarmaðurinn heitir Yasin Kanza og sé 25 ára gamall. Yasin er frá Norður-Afríku en stóð til að vísa honum úr landi á næstunni. Yasin var talinn vera í ójafnvægi og var því undir eftirliti lögreglunnar. Við handökuna er hann sagður hafa streist á móti en verið er að athuga hvort hann hafi orðið fyrir áhrifum frá hryðjuverkahópum.