Það eru til ýmsar leiðir til að safna peningum fyrir gott málefni en nemendur í Edmond-North High í Oklahóma tóku sig til og sleiktu tær til þess. Málið hefur vakið mikla athygli vestanhafs og þykir mörgum þessi fjáröflunarleið ósmekkleg en í upptöku af atvikinu sjást nemendur sleikja hnetusmjör af tám og fótum samnemenda sinna.
Ekki er þetta í fyrsta skipti sem slíkt fjáröflun fer fram í Bandaríkjunum en árið 2015 tóku nemendur Deer Creek High sig saman og sleiktu tær og handkrika og náðu að safna rúmum 20 milljónum króna fyrir gott málefni. Skólinn neitaði að hægt væri að kenna þeim um málið þar sem atburðurinn var á vegum nemenda og sagði að starfsmenn skólans hafi ekki komið nálægt skipulagningu eða framkvæmd hans.
„Þetta er ógeðslegt,“ sagði Ryan Walters, yfirmaður skólamála í Oklahóma, um málið og að atvikið væri í rannsókn.
Hægt er að horfa á upptökur af tásleikingunum hér.