Pútín fagnaði jólunum einn í kirkju

Vladimir Pútín eyddi jólunum einn. Sagður gera það vegna ótta við Covid.

Fram kemur í rússneska útlagamiðlinum Medusa, að Vladimir Pútín Rússlandsforseti hafi sótt jólamessu þann 7. janúar í Boðunardómkirkjunni í Kreml. Enginn annar gestur var í kirkjunni. Þó nokkrir hátt settir aðilar innan prestastéttar Rétttrúnaðarkirkjunnar hittu forsetann og sóttu messuna með honum. Þetta hefur miðillinn eftir Interfax-fréttamiðlinum.

Pútín fagnaði jólunum einnig einn árið 2022 en þá sótti hann messu í kirkju sem stendur á eignarlandi hans í Novo-Ogaryovo í útjaðri Moskvu-borgar. Kreml sendi frá sér útskýringu í fyrra þar sem ástæðan fyrir einsemd forsetans væri vegna „varúðarráðstafana vegna heimsfaraldursins“ en ekki hefur borist útskýring þetta árið.