Kvikmyndagerðamaðurinn Mark Laita vinnur nú að heimildarmynd um innræktuðustu fjölskyldu Bandaríkjanna.
Þegar Mark reyndi upphaflega að setja sig í samband við Whittaker fjölskylduna, mætti hann ógnandi nágrönnum þeirra. Hann ákvað þá að fá fylgd lögreglumanns og komst þannig í samband við fjölskylduna sem býr í afmörkuðu þorpi í Vestur Virginíu ríki.
„Við komum að hjólhýsi og litlum kofa, allt í kring var fólk með augu sem sneru í sitthvora áttina, þau geltu á okkur. Þetta var eins og atriði úr bíómynd,“ sagði Mark.
„Einn þeirra öskraði og hljóp í burtu ef við horfðum í augun á honum eða reyndum að tala við hann. Hann missti niður um sig buxurnar og sparkaði í ruslatunnu. Þetta gerðist síendurtekið, eins og hann hefði enga stjórn á þessu.“
Fjölskyldan er nokkuð þekkt í Bandaríkjunum, þau búa langt frá siðmenningu og eru algjörlega ómenntuð. Sum þeirra gátu einungis tjáð sig með stunum og ískri og virtust vera þjáð, bæði líkamlega og andlega.
Heimili fjölskyldunnar er skítugt og yfirfullt af gæludýrum. Mark stendur nú fyrir söfnun fyrir viðhaldi á húsunum þar sem Whittaker fólkið býr. Hann heldur úti YouTube reikning þar sem hann deilir viðtölum við ýmis úrhrök samfélagsins. Hér fyrir neðan er myndband hans um Whittaker fjölskylduna.