• Orðrómur

Fjölskylda og lögmenn umvefja Gylfa

Efnisorð

Deila

- Auglýsing -

Samkvæmt áreiðanlegum heimildum Mannlífs er eiginkona Gylfa Sigurðssonar – Alexandra Helga Ívarsdóttir – komin til landsins.

Hins vegar, samkvæmt sömu heimildum, er nánasta fjölskylda Gylfa komin til Englands, og Gylfi er sagður vera kominn með hóp lögfræðinga til að verja sig. Mannlíf náði tali af móður Gylfa í gærkvöldi, en hún vildi ekki tjá sig um málið að svo stöddu.

KSÍ mun funda í dag vegna máls Gylfa.

- Auglýsing -

Slúður um Gylfa hefur verið í gangi á samfélagsmiðlum, en í raun hefur ekkert fengist staðfest annað en að leikmaður Everton hafi verið handtekinn og grunaður um brot gegn einstaklingi undir lögaldri.

Gylfi, sem spilar fyrir Everton í ensku úrvalsdeildinni, hefur verið besti fótboltamaður Íslands í langan tíma; hefur leikið 78 landsleiki og skorað í þeim 25 mörk.

Sögur ganga um samfélagsmiðla að maður sem starfar sem fjölmiðlamaður á stórum miðli hér á landi hafi hakkað sig inn á reikning Gylfa á samfélagsmiðli og sent út óviðeigandi skilaboð og myndir í nafni Gylfa. Sá aðili svarar hvorki í síma né nokkru um málið á samfélagsmiðlum eða í tölvupósti. Hvort viðkomandi hafi haft áhrif á reikninga Gylfa er aftur á móti algjörlega óljóst á þessari stundu.

- Auglýsing -

Mannlíf hefur reynt að ná sambandi við marga af starfsfólki vefmiðilsins, en ýmist hefur það neitað að tjá sig, skellt á eða verið með slökkt á símanum. Fréttastjóri miðilsins neitaði til að mynda að koma í símann þegar blaðamaður Mannlífs hringdi og bað um hann. Starfsmaður miðilsins sagði einfaldlega að fréttastjórinn myndi ekki svara neinu um málefni starfsmannsins.

Sá sem sögur ganga um að hafa hakkað Gylfa er samkvæmt sömu heimildum farinn úr landi. Samkvæmt heimildum Mannlífs hefur sami einstaklingur hakkað sig inn á reikning annars landsliðsmanns í knattspyrnu og til að mynda sent afar óviðeigandi myndir í nafni viðkomandi sem og skilaboð.

Lögreglan sagðist ekki vera með neitt slíkt hakkaramál tengt Gylfa Þór eða umræddum fjölmiðlamanni á borði sínu þegar eftir því var leitað, hvorki lögreglan á höfuðborgarsvæðinu né embætti ríkislögreglustjóra.

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -