• Orðrómur

Fólk sem glímir við húsnæðisvanda vegna Covid-19 fær hjálp

Efnisorð

Deila

- Auglýsing -

Allir í húsnæðisvanda vegna kórónaveirunnar fá þak yfir höfuðið í fjóra mánuði, óháð lögheimili, samkvæmt samkomulagi sem félagsmálaráðherra og Reykjavíkurborg hafa undirritað.

„Þetta felst í því að Reykjavíkurborg ætlar að taka það hlutverk að sér að setja upp sérstaka neyðarmóttöku sem byggir á því að allir þeir sem eru í húsnæðisvanda geta leitað beint þangað og þeim verður skaffað húsnæði til næstu mánaða,“ segir Ásmundur Einar Daðason, félagsmálaráðherra, en gengið var frá samkomulaginu fyrir páska.

Ásmundur segir erfitt að svara því hversu stór hópur þurfi á úrræðinu að halda en húsnæðisvandi jaðarhópa hafi aukist síðustu vikur vegna Covid-19 faraldursins.

- Auglýsing -

Dagur B. Eggertsson borgarstjóri Reykjavíkur tekur í svipaðan streng og félagsmálaráðherra. „Heimilislausir og jaðarsettir einstaklingar verða oft útundan á tímum sem þessum og það er mikilvægt fyrir okkur sem samfélag að mæta þeim viðkvæmu hópum. Samvinna borgarinnar og ráðuneytisins er afar mikilvæg í þessum málaflokki – sérstaklega á tímum þessa skæða heimsfaraldurs. Einmitt núna þurfum við að vinna saman og standa saman.“

Í tilkynningu á vef borgarinnar kemur fram að áætlaður heildarkostnaður vegna verkefnisins sé um 85 milljónir króna. Svipað úrræði hefur verið rætt við Akureyrarbæ.

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -