Laugardagur 15. júní, 2024
6.8 C
Reykjavik

Foreldrar velja hvenær farið er í sumarfrí

VefTv

- Auglýsing -

Hlaðvörp

- Auglýsing -

Foreldrar leikskólabarna í Reykjavík hafa nú aukið val við töku orlofsdaga í sumar, með sumaropnun eins leikskóla í hverju hverfi borgarinnar, frá fyrstu viku í júlí og fram yfir verslunarmannahelgi. Alls verða sex leikskólar opnir í allt sumar, líkt og sumarið 2019.

„Það er mikið jafnréttismál að geta valið hvenær farið er í sumarfrí með börnin sín. Í gegnum tíðina hef ég oft orðið vitni að fjölskyldum sem þurfa að púsla öllu í kringum það að orlofið sé tekið í júlí. Það getur valdið miklum heilabrotum og beinlínis óþarfa veseni því það er alls ekki alltaf sem fjölskyldan getur tekið frí saman í júlí,“ segir Diljá Ámundadóttir Zoëga, fulltrúi Viðreisnar í Skóla- og frístundarráði Reykjavíkur. Viðreisn var með sumaropnun leikskóla í málefnastefnu sinni fyrir síðustu kosningar.

Aðrir leikskólar munu, líkt og áður, loka í fjórar vikur yfir sumarið en öll leikskólabörn skulu taka að minnsta kosti 20 virka daga samfleytt í sumarleyfi. Sumarlokun í sérhverjum leikskóla er ákveðin í samráði við foreldraráð og að undangenginni könnun meðal foreldra.

„Í ljósi þess að það getur valdið barni einhverjum óþægindum að flytjast tímabundið yfir á annan leikskóla mun starfsmaður af  leikskóla þess fara yfir í sumaropnunarleikskólann til að auðvelda aðlögun.“

Foreldrar geta, fram til 25. mars, sótt um vistun í sumaropnunarleikskóla hjá þeim leikskólastjóra þar sem barnið hefur fasta vistun. Sækja þarf um samfellda vistun og að lágmarki eina viku. Ef ekki er sótt um verður gert ráð fyrir að barnið taki sumarleyfi á sama tíma og leikskólinn þeirra.

Eftirfarandi leikskólar verða með sumaropnun sumarið 2020:
Rofaborg í Árbæ/Grafarholti
Lyngheimar í Grafarvogi
Bakkaborg í Breiðholti
Bjartahlíð í Miðborg/Hlíðum
Vinagerði í Laugardal/Háaleiti
Drafnarsteinn í Vesturbænum

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -